அரசு கல்லூரி மாணவருக்கு பாராட்டு விழா

முத்தூர்

தமிழகத்தில் உள்ள அரசு மற்றும் தனியார் கலை, அறிவியல் கல்லூரி மாணவர்களுக்கான மாநில அளவிலான பளுதூக்கும் போட்டி கோவை, சூலூரில் உள்ள ஒரு தனியார் கல்லூரியில் கடந்த 1- ந் தேதி நடைபெற்றது. இதில் நத்தக்காடையூர் அருகே உள்ள முள்ளிப்புரம் காங்கயம் அரசு கலை மற்றும் அறிவியல் கல்லூரியில் இளங்கலை பி.காம் 2-ம் ஆண்டு படிக்கும் மாணவர் ஏ.ஜெயராமன் 52 கிலோ எடை பிரிவில் கலந்து கொண்டு 150 கிலோ பளு தூக்குவதில் மாநில அளவில் 3-ம் இடம் பெற்று சாதனை படைத்தார்.

இதனை தொடர்ந்து மாணவருக்கு பாராட்டு விழா கல்லூரி வளாகத்தில் நடைபெற்றது. விழாவிற்கு கல்லூரி முதல்வர் சே.ப.நசீம் ஜான் தலைமை தாங்கி மாணவர் ஏ.ஜெயராமனுக்கு பரிசு கேடயம், பாராட்டு சான்றிதழ்களை வழங்கினார். இதில் கல்லூரி உடற்கல்வி இயக்குனர் (பொறுப்பு), பேராசிரியர் வா.பிரகாஷ் மற்றும் பேராசிரியர்கள், இளங்கலை, முதுகலை, மாணவ, மாணவிகள், அலுவலர்கள் பலர் கலந்து கொண்டனர்.

-------------------