தாயில்பட்டி,

தாயில்பட்டியில் மக்கள் தொடர்பு திட்ட முகாம் மண்டல துணை வட்டாட்சியர் அருளானந்தம் தலைமையில் நடைபெற்றது. சிவகாசி தாசில்தார் லோகநாதன், வெம்பக்கோட்டை யூனியன் ஆணையாளர் சத்தியமூர்த்தி ஆகியோர் முன்னிலை வகித்தனர், தாயில்பட்டி ஊராட்சி மன்ற தலைவர் சந்தானம் வரவேற்றார், சிறப்பு அழைப்பாளராக சப்-கலெக்டர் பிரிதிவிராஜ் கலந்துகொண்டு 84 பயனாளிகளுக்கு நலத்திட்ட உதவிகள் வழங்கினார். முகாமிற்கான ஏற்பாடுகளை சல்வார்பட்டி வருவாய் ஆய்வாளர் விக்னேஸ்வரன் செய்திருந்தார். முடிவில் தாயில்பட்டி கிராம நிர்வாக அலுவலர் காமராஜ் நன்றி கூறினார்.