குதிரை, மாட்டு வண்டிகள் பந்தயம்

காளையார்கோவில்,

காளையார்கோவில் சவுந்திரநாயகி அம்மன், சோமேசுவரர் கோவில் திருவிழாவையொட்டி மாட்டு வண்டி மற்றும் குதிரை வண்டி பந்தயம் நடைபெற்றது.

குதிரை வண்டி பந்தயம்

காளையார்கோவில் சவுந்திர நாயகி-சோமேசுவரர் கோவில் வைகாசி விசாக திருவிழாவையொட்டி குதிரை வண்டி மற்றும் மாட்டு வண்டி பந்தயம் காளையார் கோவில்-தொண்டி சாலையில் நடைபெற்றது. இதில் மொத்தம் 21 வண்டிகள் கலந்துகொண்டன.

முதலில் நடைபெற்ற பெரிய குதிரை வண்டி பந்தயத்தில் 8 வண்டிகள் கலந்துகொண்டு முதல் பரிசை செவல்கண்மாய் ராமலிங்கம் நினைவாக சின்னவர் அர்ச்சுணன் வண்டியும், 2-வது பரிசை கல்லல் வெல்கம் பிரதர்ஸ் வண்டியும், 3-வது பரிசை மேட்டுப்பட்டி குமார் வண்டியும், 4-வது பரிசை காளையார்கோவில் திருஞானம் வண்டியும் பெற்றன.

மாட்டு வண்டி பந்தயம்

தொடர்ந்து நடைபெற்ற மாட்டு வண்டி பந்தயம் பெரியமாடு, சின்னமாடு என இரு பிரிவாக நடைபெற்றது. இதில் முதலில் நடைபெற்ற பெரியமாடு வண்டி பந்தயத்தில் 5 வண்டிகள் கலந்துகொண்டு முதல் பரிசை தஞ்சாவூர் பூக்கொல்லை காளிமுத்து வண்டியும், 2-வது பரிசை ஆலவிளாம்பட்டி முத்துலெட்சுமி மற்றும் ஒக்கூர் அண்ணாநகர் கணேஷ் போர்வெல்ஸ் வண்டியும், 3-வது பரிசை மதகுபட்டி வெள்ளைக்கண்ணு, 4-வது பரிசை கொல்லங்குடி மாதவன் வண்டியும் பெற்றன.

சின்னமாடு

பின்னர் நடைபெற்ற சின்னமாடு வண்டி பந்தயத்தில் 8 வண்டிகள் கலந்துகொண்டு முதல் பரிசை வெளிமுத்தி வாகினி பைனான்ஸ் வண்டியும், 2-வது பரிசை கண்டனிப் பட்டி ராஜகண்ணப்பன் வண்டியும், 3-வது பரிசை சூரக் குண்டு கார்திபன் வண்டியும், 4-வது பரிசை பெரிய கண்ணனூர் கார்த்திக் வண்டியும் பெற்றன.

வெற்றி பெற்ற குதிரை வண்டி மற்றும் மாட்டு வண்டி உரிமையாளர்களுக்கு பரிசுகள் வழங்கப்பட்டன.