நாமக்கல் கலெக்டர் அலுவலக பகுதியில் அதிகபட்சமாக 97 மி.மீட்டர் மழைபதிவு

நாமக்கல் மாவட்டத்தில் கடந்த சில நாட்களாக தொடர்ச்சியாக மழை பெய்து வருகிறது. நேற்று முன்தினம் அதிகபட்சமாக கலெக்டர் அலுவலக சுற்றுவட்டார பகுதிகளில் 97 மி.மீட்டர் மழை பதிவானது. நேற்று காலை 7 மணி நிலவரப்படி மாவட்டத்தில் பெய்த மழைஅளவு மி.மீட்டரில் வருமாறு :-

கலெக்டர் அலுவலகம்-97, திருச்செங்கோடு-68, சேந்தமங்கலம்-44, நாமக்கல்-42, குமாரபாளையம்-28, கொல்லிமலை-25, புதுச்சத்திரம்-8, ராசிபுரம்-8, எருமப்பட்டி-3, பரமத்திவேலூர்-3, மோகனூர்-2. மாவட்டத்தின் மொத்த மழைஅளவு 328 மி.மீட்டர் ஆகும்.

நாமக்கல் நகரை பொறுத்த வரையில் நேற்று காலை முதலே வானம் மப்பும், மந்தாரமுமாக காட்சி அளித்தது. மாலை 3.30 மணி அளவில் மழை பெய்ய தொடங்கியது. இந்த மழை சுமார் ½ மணி நேரம் நீடித்தது. இந்த மழையால் பொதுமக்கள் மற்றும் விவசாயிகள் மகிழ்ச்சி அடைந்துள்ளனர்.