சிவகங்கை மாவட்டத்தில் கனமழை

சிவகங்கை மாவட்டத்தில் நேற்று காலையில் வானம் கருமேகம் திரண்டு இருந்தது. நேரம் செல்ல செல்ல ஒரு சில இடங்களில் மழை பெய்தது. சில இடங்களில் கன மழை பெய்தது. குறிப்பாக இளையான்குடி, மானாமதுரை, திருப்புவனம் உள்ளிட்ட பகுதிகளில் பலத்த மழை பெய்தது.

இதன் காரணமாக சாலைகளில் தண்ணீர் பெருக்கெடுத்து ஓடியது. மேலும் தாழ்வான பகுதிகளில் மழைநீர் குளம் போல தேங்கி நின்றது. இதனால் வாகன ஓட்டிகளும், பொதுமக்களும் அவதி அடைந்தனர். மழையால் குளம், கண்மாய்கள் நிரம்பி வருகின்றன. இதனால் விவசாய பணிகள் மும்முரமாகி உள்ளன. இளையான்குடியில் பாசன கண்மாய் மற்றும் சமுத்திர ஊருணி நிரம்பியுள்ளது.

சிவகங்கை மாவட்டத்தில் பெய்த மழை விவரம் (மில்லி மீட்டரில்) வருமாறு:-

சிவகங்கை-21.4, மானாமதுரை-88, இளையான்குடி-102, திருப்புவனம்-67, தேவகோட்டை-2.4, காரைக்குடி-1, காளையார்கோவில்-6.2, சிங்கம்புணரி-1.20.

மாவட்டத்தில் அதிகபட்சமாக இளையான்குடியில் 102 மில்லி மீட்டர் மழை பதிவாகியுள்ளது.