சூளகிரி பகுதியில்இடி, மின்னலுடன் கனமழை

சூளகிரி:

கிருஷ்ணகிரி மாவட்டத்தில் கடந்த சில நாட்களாக பரவலாக கோடை மழை பெய்து வருகிறது. ஓசூர், சூளகிரி மற்றும் சுற்றுவட்டார பகுதிகளில் கனமழை பெய்து வருகிறது. அதன்படி சூளகிரியில் நேற்று முன்தினம் 21 மி.மீட்டர் மழை பதிவானது.

இதன் தொடர்ச்சியாக நேற்று மாலை சூளகிரி பகுதியில் இடி, மின்னலுடன் கனமழை கொட்டி தீர்த்தது. இந்த மழை காரணமாக தாழ்வான பகுதிகளில் மழைநீர் பெருக்கெடுத்து ஓடியது. தொடர்ந்து இரவிலும் விட்டு, விட்டு பரவலாக மழை பெய்தவாறு இருந்தது.

இதேபோல் ஓசூரிலும் நேற்று மாலை முதல் இரவு முழுவதும் பரவலாக மழை பெய்தது. இந்த மழையால் விவசாயிகள், பொதுமக்கள் மகிழ்ச்சி அடைந்தனர்.