அழுகிய நிலையில் ஆண் பிணம் மீட்பு

சுல்தான்பேட்டை

கோவை மாவட்டம் லட்சுமி நாயக்கன்பாளையம்- செலக்கரச்சல் சாலையில் குடவேலமரத்தோட்டம் உள்ளது. இந்த தோட்டத்தின் உரிமையாளர் கதிரேசன். இவர் சம்பவத்தன்று வழக்கம்போல் தோட்டத்திற்கு சென்றார். அப்போது குடவேல மரத்தோட்ட நீரோடை பள்ளத்தில் ஆண் ஒருவர் பிணமாக கிடந்தார். இதுகுறித்து அவர் செலக்கரசல் கிராம நிர்வாக அலுவலர் துர்காவுக்கு தகவல் தெரிவித்தார்.

இதையடுத்து அவர் சுல்தான்பேட்டை போலீசாருக்கு தகவல் கொடுத்தார். தொடர்ந்து சம்பவ இடத்திற்கு வந்த போலீசார் உடலை மீட்டு, பிரேத பரிசோதனைக்காக அனுப்பி வைத்தனர். மேலும் இறந்தவரின் உடல் அழுகிய நிலையில் இருந்ததது. அவருக்கு சுமார் 60 வயது இருக்கும் என்றும், அவர் யார் என்பது குறித்தும், அவர் எதற்காக அங்கு வந்தார் என்பது குறித்தும் போலீசார் விசாரணை நடத்தி வருகின்றனர்.