மயிலம்,

மயிலம் அருகே அவ்வையார்குப்பம் கிராமத்தில் ஏற்பட்ட தீவிபத்தில் சுகுணா என்பவருடைய கூரை வீடு எரிந்து சேதமடைந்தது. இதுபற்றி தகவல் அறிந்ததும் மயிலம் சட்டமன்ற உறுப்பினர் சிவக்குமார் சம்பவ இடத்திக்கு விரைந்து வந்து தீவிபத்தில் பாதிக்கப்பட்ட சுகுணாவின் குடும்பத்துக்கு வேட்டி- சேலை, அரிசி, பாய், தலையணை உள்ளிட்ட பல்வேறு பொருட்களை நிவாரண உதவியாக வழங்கினார். அப்போது பா.ம.க. மயிலம் ஒன்றிய செயலாளர் சண்முகம் மற்றும் செங்கேனி, கோபால் உட்பட கட்சி நிர்வாகிகள் பலர் உடனிருந்தனர்.