புதுக்கோட்டை மாவட்டம், மணமேல்குடி தாலுகா பரனூர் கண்மாயில் சில நபர்கள் ஆக்கிரமிப்பு செய்துள்ளதாக வருவாய்த்துறை மற்றும் பொதுப்பணித்துறையினருக்கு புகார் வந்துள்ளது. இதையடுத்து சம்பவ இடத்திற்கு வருவாய்த்துறை மற்றும் பொதுப்பணி துறை அதிகாரிகள் விரைந்து வந்து பார்வையிட்டனர். அப்போது, ½ ஏக்கர் இடம் ஆக்கிரமிப்பு செய்துள்ளது தெரிய வந்தது. இதையடுத்து போலீஸ் பாதுகாப்புடன் பொக்லைன் எந்திரம் மூலம் ஆக்கிரமிப்புகள் அகற்றப்பட்டது. ஆக்கிரமிப்பின் போது, பொதுப்பணித்துறை உதவி பொறியாளர் அண்ணாமலை, வருவாய் ஆய்வாளர் தனலட்சுமி, கிராம நிர்வாக அலுவலர் கவி மற்றும் அலுவலர்கள் உடனிருந்தனர்.