கிராம நிர்வாக அலுவலர் பணியிடை நீக்கம்

புதுக்கோட்டை அருகே காரில் கஞ்சா கடத்திய கோவிலூர் கிராம நிர்வாக அலுவலர் ஜெய ரவிவர்மா, ஆட்டாங்குடியை சேர்ந்த கணேசன், சிவகங்கை மாவட்டம் காரைக்குடியை சேர்ந்த சூா்யா ஆகிய 3 பேரை கடந்த 18-ந் தேதி இரவு தனிப்படை போலீசார் பிடித்தனர். இது தொடர்பாக வல்லாத்திராக்கோட்டை போலீசார் வழக்குப்பதிவு செய்து 3 பேரையும் கைது செய்தனர். மேலும் அவர்களிடம் இருந்து 1 கிலோ 700 கிராம் கஞ்சா, கார், 4 செல்போன்கள், ரூ.9 ஆயிரம் ஆகியவற்றை பறிமுதல் செய்தனர். கைதான 3 பேரும் நேற்று சிறையில் அடைக்கப்பட்டனர். இந்த நிலையில் கைதான கிராம நிர்வாக அலுவலர் ஜெய ரவிவர்மாவை பணியிடை நீக்கம் செய்து புதுக்கோட்டை வருவாய் கோட்டாட்சியர் முருகேசன் இன்று உத்தரவிட்டார். அதன்படி அவர் பணியிடை நீக்கம் செய்யப்பட்டார்.