மீன்மார்க்கெட்டில் அடிப்படை வசதிகள் செய்து தர வேண்டுகோள்

திருச்சி மாவட்ட மீன் மொத்த வியாபாரிகள் நலச்சங்கத்தின் 3-வது ஆண்டு கூட்டம் உறையூர் காசிவிளங்கி மீன்மார்க்கெட்டில் நடைபெற்றது. சங்க தலைவர் சரவணன் தலைமை தாங்கினார். செயலாளர் சகாயராஜ் முன்னிலை வகித்தார். பொருளாளர் நரசிம்மன் மற்றும் நிர்வாகிகள் பலர் கலந்து கொண்டனர். கூட்டத்தில் சங்க வரவு-செலவு கணக்குகள் சரிபார்க்கப்பட்டது. இதைத்தொடர்ந்து உறையூர் காசிவிளங்கி மீன்மார்க்கெட் வளாகத்தில் மின்விளக்கு வசதிகள், கழிப்பிட வசதி, வாகன நிறுத்துமிடம் உள்ளிட்ட அடிப்படை வசதிகளை செய்து கொடுக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. இதில் சங்க உறுப்பினர்கள் பலர் கலந்து கொண்டனர்.