கிணற்றில் தவறி விழுந்த காட்டுப்பன்றி மீட்பு

தேவதானப்பட்டி அருகே உள்ள அட்டணம்பட்டியை சேர்ந்தவர் செல்லம்மாள். இவருக்கு சொந்தமான தோட்டம் அப்பகுதியில் உள்ளது. நேற்று இவர், தோட்டத்திற்கு சென்றார். அப்போது கிணற்றில் இருந்து ஏதோ சத்தம் கேட்டது. இதனால் அவர் கிணற்றை எட்டிபார்த்தபோது தண்ணீரில் காட்டுப்பன்றி ஒன்று தத்தளித்து கொண்டிருந்தது. இதைக்கண்ட அவர் பெரியகுளம் தீயணைப்பு படையினருக்கு தகவல் கொடுத்தார். அதன்பேரில் தீயணைப்பு அலுவலர் தர்மராஜ் தலைமையிலான வீரர்கள் சம்பவ இடத்திற்கு விரைந்து வந்தனர். பின்னர் அவர்கள் கிணற்றில் இறங்கி நீரில் தத்தளித்த காட்டுப்பன்றியை மீட்டு மேலே கொண்டு வந்தனர். இதையடுத்து அந்த காட்டுப்பன்றி மஞ்சளாறு வனப்பகுதியில் விடப்பட்டது.