கடையம்:

கடையம் அருகே ரவணசமுத்திரம் நெடுந்தெருவை சேர்ந்தவர் முகமது மைதீன். இவர் தனது வீட்டில் உள்ள கழிவறைக்கு சென்றபோது, அங்கு மரநாய் ஒன்று நின்றதை கண்டு வெளியே ஓடி வந்தார். இதுகுறித்து கடையம் வனத்துறையினருக்கு தகவல் தெரிவிக்கப்பட்டது. உடனே வனச்சரகர் கருணாமூர்த்தி உத்தரவின் பேரில் வேட்டை தடுப்பு காவலர்கள் அங்கு சென்று கழிவறையில் பதுங்கி இருந்த மரநாயை பத்திரமாக மீட்டனர். பின்னர் அதை வாளையார் பீட் அடர்ந்த வனப்பகுதியில் விட்டனர்.