மயிலாடுதுறை மாவட்டத்தில் உள்ள தொடக்க வேளாண்மை கூட்டுறவு கடன் சங்க செயலாளர்களுக்கான திறனாய்வு கூட்டம் நடந்தது. கூட்டத்திற்கு கும்பகோணம் மத்திய கூட்டுறவு வங்கி மேலாண்மை இயக்குனர் பெரியசாமி தலைமை தாங்கினார். மண்டல இணைப் பதிவாளர் தயாள விநாயகன் அமுல்ராஜ் முன்னிலை வகித்தார். கூட்டத்தில் தொடக்க வேளாண் கூட்டுறவு கடன் சங்க செயலாளர்களுக்கான திறனாய்வு மேற்கொள்ளப்பட்டது. அப்போது கும்பகோணம் மத்திய கூட்டுறவு வங்கி மேலாண்மை இயக்குனர் மற்றும் மண்டல இணை பதிவாளர் ஆகியோர் பல்வேறு கேள்விகளை எழுப்பி திறனாய்வு செய்தனர். இதில் துணைப் பதிவாளர் ராஜேந்திரன் மற்றும் கூட்டுறவு சார் பதிவாளர்கள், மேலாளர்கள், உதவி கள மேலாளர்கள், சங்க செயலாளர்கள் கலந்து கொண்டனர்.