சேலம் : பட்டாசு ஆலை வெடி விபத்தில் உயிரிழந்த 3 பேரின் குடும்பத்திற்கு நிவாரணம் - முதல் அமைச்சர் அறிவிப்பு

சென்னை,

சேலம் மாவட்டத்தில் பட்டாசுக் கிடங்கில் ஏற்பட்ட விபத்தில் உயிரிழந்தவர்களின் குடும்பத்தினருக்கு முதல் அமைச்சர் முக ஸ்டாலின் நிவாரணம் அறிவித்துள்ளார்..

இதுகுறித்து முதல் அமைச்சர் முக'ஸ்டாலின் வெளியிட்டுள்ள அறிவிப்பில் ,

,சேலம் மாவட்டம் சேலம் வட்டம் எஸ் கொல்லப்பட்டி கிராமத்தில் இயங்கி வந்த வந்த தனியாருக்கு சொந்தமான பட்டாசு கிடங்கில் இன்று எதிர்பாராத விதமாக ஏற்பட்ட வெடி விபத்தில் சேலம் எம்.கொல்லப்பட்டியை சேர்ந்த திரு. நடேசன் த/பெ. சென்றாயன் (வயது 50), திரு. சதீஷ்குமார், த/பெ. கந்தசாமி (வயது 35) மற்றும் அடையாளம் தெரியாத ஒரு பெண் உட்பட 3 பேர் உயிரிழந்தனர் என்ற துயரமான செய்தியினை கேட்டு மிகுந்த வேதனை அடைந்தேன்.

மேலும் இவ்விபத்தில் காயம் அடைந்து சேலம் அரசு மருத்துவமனையில் சிகிச்சை பெற்று வரும் சேலம் எம் கொல்லப்பட்டியை சேர்ந்த திருமதி. வசந்தா, க/பெ.பழனிசாமி, (வயது 45), திருமதி.மோகனா, க/பெ.வடிவேல் (வயது 38), திருமதி. மணிமேகலா, க/பெ.ராஜா, (வயது 36), திருமதி.மகேஸ்வரி, க/பெ.வெங்கடேசன் (வயது 32), திரு. பிரபாகரன், த/பெ.அண்ணாதுரை (வயது 31) மற்றும் திருமதி.பிருந்தா, க/பெ.மோகன் (வயது 28) ஆகிய 6 பேருக்கும் சிறப்பு சிகிச்சை அளிக்க அறிவுறுத்தியுள்ளேன்.

உயிரிழந்தவரின் குடும்பத்தினருக்கும், உறவினர்களுக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்வதோடு உயிரிழந்தவர்களின் குடும்பத்தினருக்கு தலா 3 லட்சம் ரூபாயும், காயமடைந்து மருத்துவமனையில் சிகிச்சை பெற்று வரும் ஆறு பேருக்கு தலா 50,000 ரூபாயும், முதலமைச்சரின் பொது நிவாரண நிதியிலிருந்து வழங்கிடவும் உத்தரவிட்டுள்ளேன் என தெரிவித்துள்ளார்