சம்பர்கிரந்தி எக்ஸ்பிரஸ் திண்டுக்கல்லில் இருந்து புறப்படும்

மதுரை கோட்ட ரெயில்வேக்கு உட்பட்ட திருமங்கலம், திருப்பரங்குன்றம் மற்றும் மதுரை ரெயில் நிலையங்களில் இரட்டை அகலப்பாதை தண்டவாள இணைப்பு பணிகள் நடந்து வருகிறது. இதற்காக ரெயில்களின் போக்குவரத்தில் மாற்றம் செய்யப்பட்டுள்ளது. மதுரை-நிஜாமுதீன் சம்பர்கிரந்தி வாராந்திர எக்ஸ்பிரஸ் ரெயில் (வ.எண்.12651) வருகிற 19-ந் தேதி, 21, 26 மற்றும் 28-ந் தேதிகளில் மற்றும் மறுமார்க்கத்தில் நிஜாமுதீன்-மதுரை சம்பர்கிரந்தி வாராந்திர எக்ஸ்பிரஸ் ரெயில் (வ.எண்.12652) வருகிற 14-ந் தேதி, 16, 21 மற்றும் 23-ந் தேதிகளில் விழுப்புரம் வரை மட்டும் இயக்கப்படும். இந்த ரெயில்கள் மதுரை-விழுப்புரம் இடையே ரத்து செய்யப்படுவதாக அறிவிக்கப்பட்டிருந்தது. இதற்கு பயணிகள் தரப்பில் இருந்து கடும் எதிர்ப்பு கிளம்பியதை தொடர்ந்து, இந்த ரெயில்கள் திண்டுக்கல் ரெயில் நிலையம் வரை இயக்கப்படுகிறது.