மணல் கடத்தல்; 2 பேர் கைது

வாய்மேடு:

தலைஞாயிறு அருகே மணக்குடி பகுதியில் போலீசார் ரோந்து பணியில் ஈடுபட்டு கொண்டிருந்தனர். அப்போது அந்த வழியாக மணல் ஏற்றி வந்த 2 டிராக்டரை நிறுத்தி அதில் வந்த 2 பேரிடம் விசாரணை நடத்தினர். இதில் அவர்கள், காடந்தேத்தியை சேர்ந்த மாரியப்பன் மகன் கோவிந்தராஜ் (வயது27), மணக்குடி மாதா கோவில் தெருவை சேர்ந்த வெங்கடேசன் (37) என்பதும், இவர்கள் டிராக்டர்களில் மணல் கடத்தி வந்ததும் தெரிய வந்தது. இதுகுறித்து தலைஞாயிறு போலீசார் வழக்குப்பதிவு செய்து கோவிந்தராஜ், வெங்கடேசன் ஆகிய 2 பேரையும் கைது செய்தனர். மேலும் அவர்களிடம் இருந்து 2 டிராக்டர்களையும் டிப்பருடன் பறிமுதல் செய்தனர்.