மணல் கடத்தல் டிரைவர் கைது

திருவெண்ணெய்நல்லூர்

திருவெண்ணெய்நல்லூர் அருகே உள்ள பேரங்கியூர் தென்பெண்ணையாற்றில் மணல் கடத்துவதாக போலீசாருக்கு தகவல் கிடைத்தது. இதையடுத்து திருவெண்ணெய்நல்லூர் போலீஸ் சப்-இன்ஸ்பெக்டர் பிரபு மற்றும் போலீசார் பேரங்கியூர் சாமுண்டீஸ்வரி கோவில் அருகே வாகன சோதனையில் இருந்தனர். அப்போது அந்த வழியாக மினி லாரியில் மணல் கடத்தி வந்த கரடிபாக்கம் கிராமத்தை சேர்ந்த டிரைவர் நெடுஞ்செழியன்(வயது 21) என்பவரை கைது செய்த போலீசார் மினி லாரியை பறிமுதல் செய்தனர். மேலும் இதில் தொடர்புடைய குச்சிப்பாளையம் கிராமத்தை சேர்ந்த அரவிந்த், ராஜசேகர் ஆகியோரை தேடி வருகின்றனர்.