விநாயகர் கோவில்களில் சங்கடஹர சதுர்த்தி வழிபாடு

சங்கராபுரம்,

சங்கராபுரம் கடைவீதியில் உள்ள சக்தி விநாயகர் கோவிலில் சங்கடஹரசதுர்த்தி சிறப்பு வழிபாடு நடைபெற்றது. இதையொட்டி சக்தி விநாயகருக்கு பால், தயிர், பன்னீர், சந்தனம், தேன் உள்பட 16 வகையான பொருட்களை கொண்டு அபிஷேகம் நடத்தப்பட்டது. பின்னர் சிறப்பு பூஜை செய்யப்பட்டு தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதேபோல் சங்கராபுரம் திரவுபதி அம்மன் கோவில் வன்னி விநாயகர், செல்வவிநாயகர், வாசவி கோவில் வளாகத்தில் உள்ள மஹோற்கடகணபதி, பொய்க்குணம் சாலை நவசக்தி விநாயகர் கோவில் உள்பட சங்கராபுரம் பகுதியில் உள்ள பல்வேறு விநாயகர் கோவில்களில் சங்கடஹரசதுர்த்தி விழா நடைபெற்றது.