சங்கடஹரசதுர்த்தி வழிபாடு

சங்கராபுரம்

சங்கராபுரம் கடைவீதி சக்தி விநாயகர் கோவிலில் சங்கடஹர சதுர்த்தி வழிபாடு நடைபெற்றது. முன்னதாக சக்தி விநாயகருக்கு பால், தயிர், பன்னீர் உள்ளிட்ட 16 வகையான பொருட்களைக் கொண்டு அபிஷேகம் செய்தனர். தொடர்ந்து தீபாராதனை காண்பிக்கப்பட்டது. இதில் ஏராளமான பக்தர்கள் கலந்துகொண்டு சாமி தரிசனம்செய்தனர். இதேபோல் சங்கராபுரம் வாசவி கோவில் வளாகத்தில் உள்ள மஹோற்கடகணபதி, பொய்க்குணம் நவசக்தி விநாயகர், திரவுபதி அம்மன் கோயில் வளாகத்தில் உள்ள வன்னி விநாயகர் உள்ளிட்ட பல்வேறு விநாயகர் கோவில்களில் சங்கடஹரசதுர்த்தியை முன்னிட்டு சிறப்பு வழிபாடு நடைபெற்றது.