பஸ் மோதி தூய்மை பணியாளர் சாவு

மேலப்பாளையம் அழகிரிபுரத்தைச் சேர்ந்தவர் மந்திரம் (வயது 42). இவர் மாநகராட்சியில் தூய்மை பணியாளராக வேலை பார்த்து வந்தார். இவர் நேற்று தனது மோட்டார் சைக்கிளில் பாளையங்கோட்டை தெற்கு புறவழிச்சாலையில் சென்று கொண்டிருந்தார். அப்போது அந்த வழியாக வந்த அரசு பஸ் மந்திரம் மீது மோதியது. இதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார். இதுகுறித்து நெல்லை மாநகர போக்குவரத்து புலனாய்வு பிரிவு போலீஸ் சப்-இன்ஸ்பெக்டர் நாராயணன் வழக்குப்பதிவு செய்து விசாரணை நடத்தி வருகிறார்.