சர்தார் வல்லபாய் பட்டேல் வாழ்க்கை வரலாறு கண்காட்சி

விடுதலை போராட்ட வீரரும், இந்தியாவின் இரும்பு மனிதர் என்று போற்றப்படும் சர்தார் வல்லபாய் பட்டேலின் பிறந்தநாள் நாளை (திங்கட்கிழமை) கொண்டாடப்படுகிறது.

இதையொட்டி கோவை ரெயில்நிலையத்தில் தேசிய ஒருமைப்பாட்டு தினம் அனுசரிக்கப்பட்டு வருகிறது. அதன் ஒரு பகுதியாக ரெயில் நிலையத்தின் பிரதான நுழைவுவாயில் முன்பு சர்தார் வல்லபாய் பட்டேலின் வாழ்க்கை வரலாறு கண்காட்சி அமைக்கப்பட் டது.

இதை சுதந்திர போராட்ட வீரரின் வாரிசு ஆர்.எஸ்.சண்மு கம் திறந்துவைத்தார். கோவை ரெயில்நிலைய பொறுப்பு இயக்குனர் சுரேஷ் முன்னிலை வகித்தார். கண்காட்சியில் சர்தார் வல்லபாய் பட்டேல் குறித்து 50-க்கும் மேற்பட்ட படங்களுடன் கூடிய தகவல்கள் இடம்பெற்று உள்ளன.

இதை ரெயில் பயணிகள் ஆர்வமுடன் பார்த்து செல்கின்றனா். இதில் ரெயில்நிலைய மேலாளர் செந்தில்குமார் உள்பட பலர் கலந்து கொண்டனர்.