செல்வ விநாயகர் கோவிலில் சங்கடஹர சதுர்த்தி விழா

வீ.மேட்டுப்பாளையம்

ஆடி மாத சங்கடஹர சதுர்த்தியை முன்னிட்டு மேற்கு மேட்டுப்பாளையத்தில் உள்ள செல்வவிநாயகர் கோவிலில் விநாயகருக்கு பஞ்சாமிர்தம், பால், தயிர், விபூதி, சந்தனம், இளநீர், பன்னீர், கனிகளால் அபிஷேகமும், மலர்களால் சிறப்பு அலங்காரமும் செய்யப்பட்டு தீபாராதனை காட்டப்பட்டது.

இதில் திரளான பக்தர்கள் கலந்து கொண்டு சாமி தரிசனம் செய்தனர். பின்னர் பக்தர்கள் அனைவருக்கும் பிரசாதம் வழங்கப்பட்டது. விழாவை மேற்கு மேட்டுப்பாளையம் பொதுமக்கள் சிறப்பாக ஏற்பாடு செய்திருந்தனர்.