சத்தியமங்கலம் மார்க்கெட்டில் மல்லிகைப்பூ கிலோ ரூ.790-க்கு ஏலம்

சத்தியமங்கலம்

சத்தியமங்கலத்தில் உள்ள கரட்டூர் ரோட்டில் பூ மார்க்கெட் செயல்பட்டு வருகிறது. இந்த மார்க்கெட் தினமும் காலை 7 மணி முதல் மாலை 4 மணி வரை நடைபெறும். அதன்படி நேற்று காலை 7 மணிக்கு பூக்கள் ஏலம் தொடங்கியது. இந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து 5 டன் பூக்களை விவசாயிகள் விற்பனைக்காக கொண்டு வந்திருந்தனர். நேற்றைய ஏலத்தில் மல்லிகைப்பூ கிலோ ரூ.790-க்கும், முல்லை ரூ.280-க்கும், காக்கடா ரூ.300-க்கும், செண்டுமல்லி ரூ.50-க்கும், பட்டுப்பூ ரூ.50-க்கும், சாதிமல்லி ரூ.500-க்கும், கனகாம்பரம் ரூ.300-க்கும், அரளி ரூ.50-க்கும், துளசி ரூ.40-க்கும், செவ்வந்தி ரூ.60-க்கும் சம்பங்கி ரூ.40-க்கும் ஏலம் போனது.