சத்தியமங்கலம் மார்க்கெட்டில் சம்பங்கி பூ கிலோ ரூ.240-க்கு விற்பனை ஆயுத பூஜையை முன்னிட்டு ஒரே நாளில் ரூ.80 உயர்வு

சத்தியமங்கலம் மார்க்கெட்டில் ஆயுத பூஜையை முன்னிட்டு் சம்பங்கி பூ ஒரே நாளில் ரூ.80 உயர்ந்து கிலோ ரூ.240-க்கு விற்பனையானது.

பூக்கள் ஏலம்

சத்தியமங்கலம் கரட்டூர் ரோட்டில் பூ மார்க்கெட் உள்ளது. இங்கு தினமும் காலை 7 மணி முதல் மாலை 4 மணி வரை பூக்கள் ஏலம் நடைபெறும். அதன்படி நேற்று நடந்த ஏலத்துக்கு சத்தியமங்கலம் மற்றும் அதன் சுற்றுவட்டார பகுதிகளில் இருந்து விவசாயிகள் 6 டன் பூக்களை கொண்டு வந்திருந்தார்கள்.

இதில் மல்லிகைப்பூ (கிலோ) ரூ.1,000-க்கும், முல்லை ரூ.520-க்கும், காக்கடா ரூ.500-க்கும், செண்டுமல்லி ரூ.98-க்கும், பட்டுப்பூ ரூ.105-க்கும், சாதிமல்லி ரூ.500-க்கும், கனகாம்பரம் ரூ.1,010-க்கும், அரளி ரூ.450-க்கும், துளசி ரூ.50-க்கும், செவ்வந்தி ரூ.280-க்கும், சம்பங்கி ரூ.240-க்கும் ஏலம் போனது.

விலை குறைவு

இதேபோல் நேற்று முன்தினம் நடந்த ஏலத்தில் மல்லிகைப்பூ கிலோ ஒன்று ரூ.1,180-க்கும், முல்லை ரூ.550-க்கும், காக்கடா ரூ.625-க்கும், செண்டுமல்லி ரூ.140-க்கும், பட்டுப்பூ ரூ.91-க்கும், சாதிமல்லி ரூ.600-க்கும், அரளி ரூ.400-க்கும், துளசிமல்லி ரூ.50-க்கும், செவ்வந்தி ரூ.240-க்கும், சம்பங்கி ரூ.160-க்கும் ஏலம் போனது.

நேற்று முன்தினத்தை விட நேற்று நடந்த ஏலத்தில் மல்லிகைப்பூ ஒரு கிலோ ரூ.180 குறைந்து ஏலம் போனது. மேலும் முல்லை ரூ.30-ம், காக்கடா ரூ.125-ம், செண்டுமல்லி ரூ.42-ம், சாதிமல்லி ரூ.100-ம் குறைந்தும் விற்பனையானது.

சம்பங்கி பூ உயர்வு

பட்டுப்பூ ரூ.14 உயர்ந்தும், அரளி ரூ.50-ம், செவ்வந்தி ரூ.40-ம், சம்பங்கி ரூ.80-ம் உயர்ந்து ஏலம் போனது.