செல்வமகள் சேமிப்பு திட்ட விழிப்புணர்வு ஊர்வலம்

நாமக்கல் தலைமை தபால் நிலையத்தில் நேற்று செல்வமகள் சேமிப்பு திட்டம் குறித்த விழிப்புணர்வு ஊர்வலம் நடைபெற்றது. இந்த விழிப்புணர்வு ஊர்வலத்தை தலைமையிடத்து உதவி அஞ்சல் கண்காணிப்பாளர் அண்ணாமலை கொடியசைத்து தொடங்கி வைத்தார். இந்த ஊர்வலம் அரசு பெண்கள் மேல்நிலைப்பள்ளி, மோகனூர் சாலை, மணிக்கூண்டு, காவல்நிலையம், திருச்சி சாலை வழியாக சென்று மீண்டும் நாமக்கல் தலைமை அஞ்சலகத்தில் முடிவடைந்தது. இதில் நாமக்கல் தலைமை அஞ்சல் நிலைய அதிகாரி தீபா, மேற்கு உட்கோட்ட அஞ்சல் ஆய்வாளர் (பொறுப்பு) கோபிநாத், அஞ்சலக ஆயுள் காப்பீட்டு வளர்ச்சி அலுவலர் கார்த்திகேயன், வணிக வளர்ச்சி அலுவலர் சிவக்குமார், மெயில் ஓவர்சியர்கள், கோட்ட மற்றும் தலைமை அஞ்சலக ஊழியர்கள், தபால்காரர்கள் கலந்து கொண்டனர். இவர்கள் செல்வமகள் சேமிப்பு திட்ட விழிப்புணர்வு பதாகைகளை கையில் ஏந்தி ஊர்வலமாக சென்றனர்.