பள்ளி மாணவி தற்கொலை

காரையூர் அருகே ஒளியமங்கலம் ஊராட்சி வெள்ளாளபட்டியை சேர்ந்தவர் முத்து. இவர் கோவையில் உள்ள ஒரு ஓட்டலில் வேலை செய்து வருகிறார். இவரது மனைவி ராசாத்தி தனது குழந்தைகளுடன் வெள்ளாளப்பட்டியில் வசித்து வந்தனர். இவர்களது மகள் கோகிலா (வயது 16) அப்பகுதியில் உள்ள பள்ளியில் 12-ம் வகுப்பு படித்து வந்தார். நேற்று ராசாத்தி மாடு மேய்க்க சென்று விட்டு வீடு திரும்பியுள்ளார். அப்போது வீட்டில் சேலையால் தூக்கில் தொங்கிய நிலையில் கோகிலா பிணமாக கிடந்தார். இதைப்பார்த்த அவர் கதறி அழுதார். இதுகுறித்து தகவல் அறிந்த காரையூர் போலீசார் சம்பவ இடத்திற்கு விரைந்து வந்து கோகிலாவின் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் விசாரணை நடத்தி வருகின்றனர்.