நெல்லை மாநகராட்சி பகுதியில் உள்ள வணிக பயன்பாட்டு கட்டிடங்கள், அடுக்குமாடி குடியிருப்புகள், திருமண மண்டபங்கள் ஆகியவற்றிற்கு மாநகராட்சி ஆணையாளர் சிவகிருஷ்ணமூர்த்தி உத்தரவின்பேரில், தீவிர வரிவசூல் பணி மேற்கொள்ளப்பட்டு வருகிறது. அதன்படி மாநகராட்சிக்கு நீண்ட காலமாக சொத்துவரி செலுத்தாத நெல்லை மண்டலம் 22-வது வார்டு சேரன்மாதேவி ரோடு பேட்டை செக்கடி அருகில் உள்ள ஒரு வணிக வளாகத்தை மாநகராட்சி அதிகாரிகள் மூடி 'சீல்' வைத்தனர்.

அதேபோல் உச்சிமாகாளி அம்மன் கோவில் தெருவில் 2 வீடுகளுக்கு குடிநீர் இணைப்பு துண்டிக்கப்பட்டு உள்ளது. இதனை நெல்லை மண்டல உதவி ஆணையாளர் வெங்கட்ராமன், உதவி வருவாய் அலுவலர் வடிவேல் முருகன், வருவாய் உதவியாளர்கள் சீனிவாசன், செல்லத்துரை, முனியசாமி, மாரியப்பன் ஆகியோர் அடங்கிய குழுவினர் மேற்கொண்டனர்.