மணல் அள்ளிய லாரி பறிமுதல்

திருப்புவனம்

திருப்புவனம் போலீஸ் சரகத்தை சேர்ந்த டி.பாப்பான்குளம் விலக்கு பகுதியில் அரசு அனுமதியின்றி மணல் அள்ளுவதாக மாவட்ட காவல் கண்காணிப்பாளரின் தனிப்படை பிரிவிற்கு தகவல் கிடைத்தது. அதன்பேரில் தனிப்படை பிரிவினர் டி.பாப்பான்குளம் விலக்கு பகுதியில் ரோந்து சென்றனர். அப்போது லாரியில் மணல் அள்ளிகொண்டிருந்த டிரைவர் மாசாணம் (வயது 37) என்பவரை பிடித்து திருப்புவனம் போலீஸ் நிலையத்தில் ஒப்படைத்தனர். போலீஸ் சப்-இன்ஸ்பெக்டர் சத்தியமூர்த்தி வழக்குப்பதிவு செய்து மாசாணத்தை கைது செய்து, லாரியை பறிமுதல் செய்தனர்.