சிறுமிக்கு பாலியல் தொல்லை; முதியவர் கைது

நாகர்கோவில்:

சிறுமிக்கு பாலியல் தொல்லை கொடுத்த முதியவர் கைது செய்யப்பட்டார்.

ஈத்தாமொழியை சேர்ந்தவர் கணபதி (வயது 76). இவர் சம்பவத்தன்று 8 வயதுடைய ஒரு சிறுமியை தனது வீட்டுக்கு அழைத்து வந்து பாலியல் தொல்லை கொடுத்ததாக தெரிகிறது. இதனால் பதறிபோன சிறுமி அங்கிருந்து தப்பி ஓடி தனது பெற்றோரிடம் கூறினார். சிறுமியின் பெற்றோர் கன்னியாகுமரி அனைத்து மகளிர் போலீஸ் நிலையத்தில் புகார் அளித்தனர். அதன்பேரில் போலீசார் போக்சோ சட்டத்தின் கீழ் வழக்குப்பதிவு செய்து கணபதியை கைது செய்தனர்.