தர்மபுரி:

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று முன்தினம் 5 ஆயிரத்து 499 கிலோவாக இருந்த பட்டுக்கூடுகள் வரத்து, நேற்று 2 ஆயிரத்து 870 கிலோவாக குறைந்தது. நேற்று முன்தினம் ஒரு கிலோ ரூ.600-க்கு விற்பனையான பட்டுக்கூடு, நேற்று ரூ.28 விலை குறைந்தது. அதன்படி ஒரு கிலோ பட்டுக்கூடு அதிகபட்சமாக ரூ.572-க்கும், குறைந்தபட்சமாக ரூ.310-க்கும், சராசரியாக ரூ.475.52க்கும் விற்பனையானது. மொத்தம் ரூ.13 லட்சத்து 64 ஆயிரத்துக்கு பட்டுக்கூடு வர்த்தகம் நடந்தது.