ரூ.10¾ லட்சத்துக்கு பட்டுக்கூடுகள் விற்பனை

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள். இந்த அங்காடிக்கு நேற்று சுமார் 2½ டன் பட்டுக்கூடுகள் விற்பனைக்கு கொண்டு வரப்பட்டன. நேற்று ஒரு கிலோ பட்டுக்கூடு அதிகபட்சமாக ரூ.513-க்கும், குறைந்தபட்சமாக ரூ.301-க்கும், சராசரியாக ரூ.443.42-க்கும் விற்பனையானது. மொத்தம் ரூ.10 லட்சத்து 92 ஆயிரத்து 776 மதிப்பில் பட்டுக்கூடுகள் விற்பனை செய்யப்பட்டது.