மூதாட்டியை தாக்கிய மருமகன் கைது

சிவகாசி,

சிவகாசி மாரனேரி அருகே உள்ள கிளியம்பட்டியை சேர்ந்தவர் பொன்னம்மாள் (வயது 60). இவரது மகள் சாந்தி என்பவருக்கும் அதே பகுதியை சேர்ந்த உதயசூரியன் மகன் குருசாமி (37) என்பவருக்கும் கடந்த 16 ஆண்டுகளுக்கு முன்னர் திருமணம் நடந்தது. இவர்களுக்கு 3 குழந்தைகள் உள்ளனர். இந்தநிலையில் கணவன், மனைவிக்கு இடையே அடிக்கடி தகராறு ஏற்பட்டு வந்தது. கடந்த சில நாட்களுக்கு முன்னர் பொன்னம்மாள் தனது மகள் சாந்தியை வீட்டிற்கு அழைத்து வந்து விட்டார். இதனால் ஆத்திரம் அடைந்த மருமகன் குருசாமி சம்பவத்தன்று புலிப்பாறைப்பட்டி பாலத்தின் கீழ் ஆடுகளை மேய்த்துக் கொண்டிருந்த பொன்னம்மாளை தாக்கி கொலை மிரட்டல் விடுத்ததாக கூறப்படுகிறது. இதில் காயம் அடைந்த அவர் கல்லமநாயக்கன்பட்டி அரசு ஆஸ்பத்திரியில் சிகிச்சைக்காக சேர்க்கப்பட்டுள்ளார். இந்த சம்பவம் குறித்து பொன்னம்மாள் கொடுத்த புகாரின் பேரில் மாரனேரி போலீசார் வழக்குப்பதிவு செய்து குருசாமியை கைது செய்தனர்.