திருவண்ணாமலை மாவட்ட கலெக்டர் அலுவலக வளாகத்தில் அமைந்துள்ள மாற்றுத்திறனாளிகள் நலத்துறையில் தேசிய அடையாள அட்டை வழங்கும் முகாம் நடந்தது.

மாவட்ட மாற்றுத்திறனாளிகள் நல அலுவலர் தங்கமணி தலைமை தாங்கினார். முகாமில் மாவட்டத்தின் பல்வேறு பகுதிகளில் இருந்து வந்திருந்த மாற்றுத்திறனாளிகள் கலந்து கொண்டனர். அவர்களின் ஊனத்தின் தன்மையை டாக்டர்கள் குழுவினர் பரிசோதனை செய்தனர். மேலும் முகாமில் மத்திய அரசின் தனித்துவ அடையாள அட்டைக்கான பதிவும் செய்யப்பட்டது. தகுதியுடையவர்களுக்கு அடையாள அட்டை வழங்கப்பட்டது.