பெரம்பலூர்-குன்னத்தில் இன்று சிறப்பு பட்டா முகாம்கள்

மறைந்த தமிழக முன்னாள் முதல்-அமைச்சர் கருணாநிதியின் நூற்றாண்டு விழாவையொட்டி பெரம்பலூர் மாவட்டத்தில் 2 இடங்களில் இன்று (வெள்ளிக்கிழமை) சிறப்பு பட்டா முகாம் நடைபெற உள்ளது. அதன்படி பெரம்பலூர், வேப்பந்தட்டை, ஆலத்தூர் ஆகிய தாலுகாக்களுக்கும், பெரம்பலூர் ஆர்.டி.ஓ. அலுவலகத்திலும், குன்னம் தாலுகாவில் குன்னம் தாசில்தார் அலுவலகத்திலும் சிறப்பு பட்டா முகாம்கள் நடக்கிறது. மேற்படி சிறப்பு பட்டா முகாமில் வீட்டுமனை பட்டா மனுக்கள், பட்டா மாறுதல் மனுக்கள், வருவாய் ஆவணங்களில் பிழை திருத்தம் மேற்கொள்ளுதல் தொடர்பான மனுக்கள், வருவாய்த்துறை தொடர்பான பிற மனுக்கள் மற்றும் இதர துறை சார்ந்த மனுக்களை பொதுமக்கள் அளிக்கலாம் என்று அறிவிக்கப்பட்டுள்ளது.