கோத்தகிரி

கோத்தகிரி சக்தி மலை முருகன் கோவில் வளாகத்தில் சிவன் கோவில் உள்ளது. இக்கோவிலில் ஆடி மாத பிரதோஷ நாளான நேற்று சிவபெருமானுக்கு சிறப்பு பூஜை நடைபெற்றது. இதையொட்டி லிங்கேஸ்வரருக்கு பால், தேன், தயிர், சந்தனம், பன்னீர், திருநீறு மற்றும் பஞ்சாமிர்தத்தால் அபிஷேகம் செய்து வில்வம், அரளி, தாமரை, மல்லிகை மலர்களால் அர்ச்சனை செய்த பின் அபிஷேக பூஜை மற்றும் தீபாராதனை நடைபெற்றது. மேலும் சிவபெருமானின் வாகனமான நந்தி தேவருக்கும் எண்ணெய், பால், தயிர், சந்தனம், இளநீர் போன்றவற்றால் அபிஷேகம் செய்யப்பட்டது. பின்னர் அருகம்புல் சாற்றி மலர்களால் அலங்காரம் செய்யப்பட்டு, அர்ச்சனை மற்றும் தீபாராதனை நடைபெற்றது. பின்னர் பக்தர்களுக்கு பிரசாதம் வழங்கப்பட்டது. இதேபோல் கோத்தகிரி கடை வீதி மாரியம்மன் கோவிலில் உள்ள லிங்கேஸ்வரருக்கும் பிரதோஷத்தை யொட்டி சிறப்பு பூஜை நடந்தது. இதில் ஏராளமான பக்தர்கள் விரதமிருந்து கலந்து கொண்டு லிங்க வடிவத்தில் காட்சி அளித்த சிவபெருமானை வழிபட்டு சென்றனர்.