பரமத்திவேலூர்

பரமத்திவேலூர் வட்டாரத்தில் உள்ள அம்மன் மற்றும் குலதெய்வ கோவில்களில் மார்கழி மாத அமாவாசையையொட்டி சிறப்பு பூஜைகள் நடைபெற்றது. இதேபோல் பாண்டமங்கலம் அருகே கோப்பணம்பாளையத்தில் உள்ள அரசாயியம்மன், பரமத்தியில் உள்ள அங்காளம்மன், பரமத்திவேலூரில் உள்ள மாரியம்மன், பேட்டையில் உள்ள புதுமாரியம்மன், நன்செய் இடையாற்றில் உள்ள மாரியம்மன் மற்றும் ராஜா சாமி கோவில் உள்ளிட்ட அம்மன் மற்றும் குலதெய்வ கோவில்களில் அமாவாசையையொட்டி சிறப்பு அபிஷேக ஆராதனைகள், சிறப்பு அலங்காரமும், மகா தீபாராதனையும் நடைபெற்றது. இதில் அந்தந்தப் பகுதிகளைச் சேர்ந்த பக்தர்கள் கலந்து கொண்டு சாமி தரிசனம் செய்தனர்.