மாக்கினாம்பட்டி ஸ்ரீமன் நாராயணசுவாமி கோவிலில் சிறப்பு வழிபாடு

பொள்ளாச்சி

பொள்ளாச்சி அருகே மாக்கினாம்பட்டி கந்தவேல் நகரில் ஸ்ரீமன் நாராயணசுவாமி கோவில் உள்ளது. இக்கோவிலில் நேற்று புரட்டாசி மாதம் முதல் ஞாயிற்றுக்கிழமையை முன்னிட்டு, சிறப்பு வழிபாடு நடந்தது. அதன்படி, காலையில் அய்யா வைகுண்டருக்கு சிறப்பு அலங்கார பூஜை மற்றும் உகப்படிப்பு நடந்தது.மதியம் 12 மணியளவில் சுவாமிக்கு மலர்களால் சிறப்பு அலங்காரம் செய்து, வாழை, ஆப்பிள், ஆரஞ்ச், மாதுளை உள்ளிட்ட பல்வேறு வகையான கனிகள் (பழங்கள்) படைக்கப்பட்டு சிறப்பு பூஜையுடன், உச்சிப்படிப்பு நடைபெற்றது. அதன்பின் 1 மணிக்கு சட்டம் சொல்லுதல், 1.30 மணிக்கு பக்தர்கள் மற்றும் பொதுமக்களுக்குஅன்னதானம் வழங்கும் நிகழ்ச்சி நடந்தது. நிகழ்ச்சியில் பொள்ளாச்சி நகர் மற்றும் சுற்று வட்டாரப் பகுதியைச் சேர்ந்த திரளான அய்யா வழி பக்தர்கள் கலந்துகொண்டு வழிபட்டனர். விழாவிற்கான, ஏற்பாடுகளை கோவில் நிர்வாகிகள் வசந்தி, கிருஷ்ணன் மற்றும் அய்யாவழி பக்தர்கள் செய்து இருந்தனர்.