பெருமாள் கோவில்களில் சிறப்பு வழிபாடு

திருச்சுழி,

திருச்சுழி திருமேனிநாதர் கோவில், சவ்வாஸ்புரம் வரதராஜ பெருமாள்கோவில், எம்.ரெட்டியபட்டி வரதராஜ பெருமாள் கோவில்களில் சனிக்கிழமையை முன்னிட்டு வரதராஜப்பெருமாளுக்கு சிறப்பு வழிபாடு நடைபெற்றது. முன்னதாக வரதராஜப் பெருமாளுக்கு பால், சந்தனம், மற்றும் மஞ்சள் உள்ளிட்ட 9 வகையான திரவியங்களால் அபிஷேகம், தீப ஆராதனைகள் நடைபெற்றன. இதில் ஏராளமான பக்தர்கள் கலந்து கொண்டு பெருமாளை தரிசனம் செய்தனர். பெண்கள் நெய்தீபம் ஏற்றி வழிபட்டனர். பக்தர்களுக்கு பிரசாதம் வழங்கப்பட்டது.