அம்மன் கோவில்களில் சிறப்பு வழிபாடு

சங்கராபுரம்

தை மாதம் 3-வது வெள்ளிக்கிழமையையொட்டி சங்கராபுரம் அருகே உள்ள தேவபாண்டலம் பெரியநாயகி அம்மன் கோவிலில் சிறப்பு வழிபாடு நடைபெற்றது. முன்னதாக பெரியநாயகி அம்மனுக்கு பால், தயிர், பன்னீர், சந்தனம் உள்ளிட்ட 16 வகையான பொருட்களை கொண்டு அபிஷேகம் நடைபெற்றது. தொடர்ந்து தீபாராதனை காண்பிக்கப்பட்டு அனைவருக்கும் பிரசாதம் வழங்கப்பட்டது.

இதே போல் பாண்டலம் ஏரிக்கரை துர்க்கை அம்மன், மகாநாட்டு மாரியம்மன், பூட்டை மாரியம்மன், குளத்தூர் சவுடேஸ்வரியம்மன், சங்கராபுரம் புற்று மாரியம்மன் உள்ளிட்ட பல்வேறு அம்மன் கோவில்களில் நடைபெற்ற சிறப்பு வழிபாட்டில் திரளான பக்தர்கள் கலந்துகொண்டு சாமி தரிசனம் செய்தனர்.