போட்டோ ஸ்டூடியோவில் பணம் திருடியவர் கைது

பாப்பாரப்பட்டி

பாப்பாரப்பட்டி போலீஸ் காலனியைச் சேர்ந்தவர் யுவராஜ். இவர் பென்னாகரம் மெயின் ரோட்டில் போட்டோ ஸ்டூடியோ நடத்தி வருகிறார். நேற்று முன்தினம் இரவு மர்ம நபர் கடையின் பூட்டை உடைத்து உள்ளே சென்று பணத்தை திருடி உள்ளார். மர்ம நபர் கடையில் புகுந்தது அங்குள்ள கண்காணிப்பு கேமராவில் பதிவானது. மேலும் யுவராஜின் செல்போனுக்கு தகவல் வந்தது. இதையடுத்து அவர் நண்பர்களுடன் வந்து அந்த நபரை பிடித்து பாப்பாரப்பட்டி போலீசில் ஒப்படைத்தார். போலீசார் நடத்திய விசாரணையில் அந்த நபர் பூச்செட்டிஅல்லி கிராமத்தைச் சேர்ந்த கோவிந்தராஜ் (வயது 37) என்பது தெரிய வந்தது. இதையடுத்து அவரை போலீசார் கைது செய்து பணத்தை மீட்டனர். நேற்று முன்தினம் இரவு பாப்பாரப்பட்டி பகுதிகளில் பல்வேறு கடைகளில் பணம் திருட்டு போனது. இது குறித்து கடை உரிமையாளர்கள் பாப்பாரப்பட்டி போலீசில் புகார் செய்தனர். அதன்பேரில் போலீசார் விசாரித்து வருகின்றனர்.