தர்மபுரி:

தர்மபுரி அருகே உள்ள செட்டிக்கரை கிராமத்தைச் சேர்ந்தவர் ஜம்பேரி. இவருடைய மனைவி ராஜேஸ்வரி (வயது 32). இவர்களுக்கு 3 குழந்தைகள் உள்ளனர். இந்த நிலையில் கணவன்- மனைவியிடையே அடிக்கடி குடும்ப தகராறு ஏற்பட்டு வந்ததாக கூறப்படுகிறது. இதனால் மன வேதனை அடைந்த ராஜேஸ்வரி விஷம் குடித்து விட்டு வீட்டில் மயங்கி கிடந்தார். இதை கண்டு அதிர்ச்சி அடைந்த குடும்பத்தினர் அவரை மீட்டு தர்மபுரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி ராஜேஸ்வரி உயிரிழந்தார். இதுகுறித்து தர்மபுரி டவுன் போலீசார் வழக்குப்பதிவு செய்து விசாரணை நடத்தி வருகிறார்கள்.