ஓசூர், சூளகிரியில் விவசாயி உள்பட 2 பேர் தற்கொலை

சூளகிரி:

கிருஷ்ணகிரி மாவட்டம் சூளகிரி அருகே உள்ள மேடுப்பள்ளி காடு பகுதியை சேர்ந்தவர் ராஜா (வயது 39). விவசாயி. குடும்ப பிரச்சினை காரணமாக இவர் கடந்த 25-ந் தேதி விஷம் குடித்து விட்டு மயங்கி கிடந்தார். அவரை உறவினர்கள் மீட்டு சிகிச்சைக்காக கிருஷ்ணகிரியில் தனியார் மருத்துவமனையில் சேர்த்தனர். அங்கு சிகிச்சை பலனின்றி ராஜா பரிதாபமாக இறந்தார். இது குறித்து சூளகிரி போலீசார் விசாரணை நடத்தி வருகிறார்கள். ஓசூர் சித்தனப்பள்ளியை சேர்ந்தவர் ரானேஷ் (49). பெயிண்டு கடை வைத்துள்ளார். இவருக்கு தொழிலில் நஷ்டம் ஏற்பட்டது. இதனால் மனமுடைந்த அவர் கடந்த 26-ந் தேதி விஷம் குடித்து விட்டு மயங்கி கிடந்தார். அவரை உறவினர்கள் மீட்டு சிகிச்சைக்காக ஓசூர் தனியார் மருத்துவமனையில் சேர்த்தனர். அங்கு சிகிச்சை பலனின்றி ரானேஷ் பரிதாபமாக இறந்தார். இது குறித்து அட்கோ போலீசார் விசாரணை நடத்தி வருகிறார்கள்.