வாலிபர் தூக்குப்போட்டு தற்கொலை

நாமக்கல் மாவட்டம் புதுச்சத்திரம் அருகே உள்ள திருமலைப்பட்டியை சேர்ந்தவர் தனபால். இவரது மகன் மனோஜ் (வயது21). இவர் கடந்த 3 மாதங்களுக்கு முன்பு நாமக்கல் நல்லிபாளையத்தில் சென்றபோது விபத்தில் சிக்கினார். இதில் பலத்த காயம் அடைந்த அவருக்கு இடது முழங்கால் அறுவை சிகிச்சை மூலம் அகற்றப்பட்டது.

இதனால் மனம் உடைந்த நிலையில் காணப்பட்ட மனோஜ் கடந்த 29-ந் தேதி வீட்டில் யாரும் இல்லாத நேரத்தில் தூக்குப்போட்டு கொண்டார். அவரை அக்கம்பக்கத்தில் உள்ளவர்கள் மீட்டு சிகிச்சைக்காக நாமக்கல் அரசு மருத்துவ கல்லூரி மருத்துவமனையில் சேர்த்தனர். அங்கு சிகிச்சை பலனின்றி மனோஜ் பரிதாபமாக இறந்தார். இந்த தற்கொலை சம்பவம் குறித்து தனபால் கொடுத்த புகாரின் பேரில் புதுச்சத்திரம் போலீசார் வழக்குப்பதிவு செய்து விசாரணை நடத்தி வருகின்றனர்.