கல்பனா சாவ்லா விருது பெற விண்ணப்பிக்கலாம்

நாகை மாவட்டத்ைத சேர்ந்தவர்கள் கல்பனா சாவ்லா விருது பெற விண்ணப்பிக்க வருகிற 30-ந்தேதி கடைசி நாள் என்று மாவட்ட கலெக்டர் ஜானி டாம் வர்கீஸ் தெரிவித்துள்ளார்.

இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது:-

கல்பனா சாவ்லா விருது

2023-ம் ஆண்டிற்கான கல்பனா சாவ்லா விருது, வீர தீர செயல்புரிந்த தமிழகத்தை சார்ந்த பெண் ஒருவருக்கு வழங்கப்பட உள்ளது. இந்த விருது வரும் ஆகஸ்டு 15-ந் தேதி சுதந்திர தின விழாவில் தமிழக முதல்-அமைச்சரால் வழங்கப்பட உள்ளது.

இவ்விருதினை பெறுவதற்கு சமூகத்தில் தானாக முன்வந்து தைரியமாகவும், துணிச்சலுடனும், நல்ல பல செயல்களை செய்திருக்க வேண்டும்.

விண்ணப்பங்கள்

இந்த நற்செயல்கள் செய்த தற்கான சான்று மற்றும் புகைப்படங்களுடன் தமிழ் மற்றும் ஆங்கில மொழிகளில் விண்ணப்பங்களை விண்ணப்பிக்க வேண்டும்.

நாகை மாவட்டத்தை சேர்ந்தவர்கள் கல்பனா சாவ்லா விருது பெற பூர்த்தி செய்யப்பட்ட விண்ணப்பங்கள் மற்றும் இதர விவரங்களை awards.tn.gov.in என்ற இணைய தள முகவரியில் வரும் 30-ந்தேதிக்குள்(வெள்ளிக்கிழமை) பதிவேற்றம் செய்யப்பட வேண்டும்.

2 நகல்களில் சமர்பிக்க வேண்டும்

மாவட்ட விளையாட்டு மற்றும் இளைஞர் நலன் அலுவலர் முத்தமிழறிஞர் டாக்டர் கலைஞர் கருணாநிதி மாவட்ட விளையாட்டு அரங்கம், நாகப்பட்டினம் 611003 என்ற முகவரிக்கு தபால் மூலமாகவோ அல்லது நேரிலோ எதிர்வரும் 28-ந் தேதிக்குள் (புதன்கிழமை) தமிழ் மற்றும் ஆங்கிலம் என 2 நகல்களில் சமர்ப்பிக்க வேண்டும். மேலும் விவரங்களுக்கு 04365-253059, 7401703497 என்ற எண்களில் மாவட்ட விளையாட்டு அலுவலகத்தினை நாகை மாவட்டத்தை சேர்ந்தவர்கள் தொடர்பு கொள்ளலாம்.