ஆசிரியர் தகுதி தேர்வு 2-ம் தாளுக்கான கணினி வழி தேர்வு- 3 மையங்களில் இன்று நடக்கிறது

ஆசிரியர் தகுதி தேர்வு 2-ம் தாளுக்கான கணினி வழி தேர்வு இன்று (வெள்ளிக்கிழமை) தொடங்கி வருகிற 14-ந்தேதி வரை நடக்கிறது. இந்த தேர்வு பெரம்பலூர் மாவட்டத்தில், பெரம்பலூர் தனலட்சுமி சீனிவாசன் பொறியியல் கல்லூரி, ராமகிருஷ்ணா பொறியியல் கல்லூரி, ரோவர் பொறியியல் கல்லூரி ஆகிய 3 இடங்களில் நடக்கிறது. இன்று நடைபெறவுள்ள தேர்வினை மொத்தம் 280 பேர் எழுதவுள்ளனர்.மொத்தம் 150 மதிப்பெண்களுக்கான தேர்வு காலை 9 மணிக்கு தொடங்கி மதியம் 12 மணி வரை நடக்கிறது. தேர்வாளர்கள் காலை 7.30 மணிக்கு தேர்வு மையங்களுக்கு வந்து விட வேண்டும். அனுமதி அட்டை இருந்தால் தான் தேர்வாளர்கள் தேர்வு எழுத அனுமதிக்கப்படுவார்கள். மின்னணு சாதனங்கள் கொண்டு செல்ல அனுமதி இல்லை.