உளுந்தூர்பேட்டை அருகேதந்தையை தாக்கிய வாலிபர் கைது

உளுந்தூர்பேட்டை,

உளுந்தூர்பேட்டை அருகே உள்ள பாதூர் கிராமத்தை சேர்ந்தவர் மாயவன் (வயது 57), கூலி தொழிலாளியான இவர் சம்பவத்தன்று இரவு வீட்டில் இருந்தார். அப்போது அங்கு குடிபோதையில் வந்த அவருடைய மகன் மணிகண்டன் (36) மாயவனிடம் தகராறு செய்து, அவரை தாக்கினார். இதில் மயங்கி விழுந்த அவரை அக்கம் பக்கத்தினர் மீட்டு சிகிச்சைக்காக உளுந்தூர்பேட்டை அரசு மருத்துவமனையில் சேர்த்தனர். அங்கு அவருக்கு முதலுதவி சிகிச்சை அளிக்கப்பட்டது. பின்னர் மாயவன் மேல்சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள். இதுகுறித்த புகாரின் பேரில் திருநாவலூர் போலீசார் வழக்குப்பதிந்து, மணிகண்டனை கைது செய்து விசாரித்து வருகின்றனர்.