மாணவர்களுக்கு போதை மாத்திரை விற்ற வாலிபர் கைது

நெல்லை தச்சநல்லூரில் உள்ள பள்ளிக்கூடம் அருகில் நேற்று முன்தினம் மாணவர்களுக்கு போதை மாத்திரை விற்பனை செய்வதாக தச்சநல்லூர் போலீசாருக்கு ரகசிய தகவல் கிடைத்தது. அதன் பேரில் சப்-இன்ஸ்பெக்டர் தங்கமுத்து மற்றும் போலீசார் ரோந்து சென்றனர். அப்போது அங்கு சந்தேகப்படும்படியாக நின்று கொண்டிருந்த தச்சநல்லூரை சேர்ந்த ராகேஷ் (வயது 20) என்பவரை பிடித்து சோதனை செய்ததில் போதை மாத்திரைகளை மறைத்து வைத்திருந்தது தெரியவந்தது. இதையடுத்து அவரை போலீசார் கைது செய்து, 30 போதை மாத்திரைகளை கைப்பற்றினர்.