கஞ்சா விற்ற வாலிபர் கைது

கரூர் வஞ்சியம்மன் கோவில் பகுதியில் கஞ்சா வைத்து விற்பனை செய்யப்படுவதாக டவுன் போலீசாருக்கு ரகசிய தகவல் கிடைத்தது. அதன்பேரில் சப்-இன்ஸ்பெக்டர் பானுமதி தலைமையிலான போலீசார் அப்பகுதியில் சென்று சோதனை செய்தனர். அப்போது அந்த பகுதியில் கஞ்சா விற்று கொண்டிருந்த பகவதி அம்மன் கோவில் தெருவை சேர்ந்த ரியாஸ்கான் (வயது 20) என்பவரை போலீசார் கைது செய்தனர். மேலும் அவரிடமிருந்து 1 கிலோ 100 கிராம் கஞ்சா பறிமுதல் செய்யப்பட்டன.