கஞ்சா விற்ற வாலிபர் கைது

விழுப்புரம்

விழுப்புரம் தாலுகா போலீஸ் சப்-இன்ஸ்பெக்டர் பரணிநாதன் தலைமையிலான போலீசார் நேற்று விழுப்புரம் ஜீவாநகர் பகுதியில் ரோந்துப்பணியில் ஈடுபட்டனர். அப்போது அங்கு சந்தேகப்படும்படியாக நின்றுகொண்டிருந்த ஒருவரை பிடித்து அவர் வைத்திருந்த பையை சோதனை செய்ததில் அந்த பையினுள் 60 கிராம் கஞ்சா பொட்டலங்கள் இருந்தது கண்டுபிடிக்கப்பட்டது. விசாரணையில் அவர், விழுப்புரம் தாமரைக்குளம் காலனியை சேர்ந்த தமிழரசன் (வயது 23) என்பதும், இவர் கஞ்சா விற்பனை செய்ததும் தெரியவந்தது. இதையடுத்து தமிழரசனை போலீசார் கைது செய்து அவரிடமிருந்த கஞ்சாவை பறிமுதல் செய்தனர்.